ГОСПОДИ БОЖЕ НАШ, ТВОРЧЕ НЕБА И ЗЕМЛИ, СОЗДАВЫЙ ЧЕЛОВЕКА И ДАРОВАВЫЙ ЕМУ ВЕДЕНИЕ СОКРОВЕННОЙ ПРЕМУДРОСТИ ВО ЕЖЕ ПРОСЛАВЛЯТИ ИМЯ ТВОЕ. ГОРЕ И ДОЛУ ТЫ ЕСИ, ТВОЯ ЕСТЬ НОЧЬ И ТВОЙ ЕСТЬ ДЕНЬ, НЕ УТАИТСЯ ПРЕД ТОБОЮ ДАЖЕ МИМОЛЕТНОЕ ДВИЖЕНИЕ МЫСЛИ. И НЫНЕ МОЛЮ ТЯ - ОТ ВСЯКОГО ГРЕХА СОХРАНИ МЯ, ПРИСТУПАЮЩЕГО К РАБОТЕ С ХИТРОУМНЫМ ТВОРЕНИЕМ РУК ЧЕЛОВЕЧЕСКИХ, ПРОНИКАЮЩИМ ВО ВСЯ КОНЦЫ ЗЕМЛИ. ОГРАДИ ОЧИ МОИ И УМ ОТ ВСЯКИХ НЕЧИСТЫХ И БЛУДНЫХ ОБРАЗОВ, ОТ ПУСТЫХ НЕГОДНЫХ СЛОВЕС. УКРЕПИ ВОЛЮ, СЕРДЦЕ ОЧИСТИ, НЕ ДАЖДЬ МИ ВОТЩЕ РАСТОЧАТИ ВРЕМЯ ЖИЗНИ МОЕЯ, И ОТ ВСЯКОГО РАССЛАБЛЕНИЯ И УНЫНИЯ ИЗБАВИ. ДА БУДУТ ДЕЛА НАША ВО СЛАВУ ТВОЮ. АМИНЬ.

Церковный календарь

Церковные служения

Церковный язык гагаузов

ЕНИ БААЛАНТЫ (Новый завет)

Последние 100 публикаций сайта

23.07.2011г. АЛТЫПСАЛОМЛУК (ШЕСТОПСАЛМИЕ).

(Б1.5) Молитвы. Шестопсалмие

Предлагаем вашему вниманию Шестопсалмие на гагаузском языке. Данный перевод был осуществлен в Конгазе в 1992 году и до настоящего времени используется в Конгазской Церкви.

Псалом 3.

  1. Ей Сааби, не зееделенди душманнарым! Чойу бана каршы калкты.
  2. Чойу джаныма деди: Аллахтан она йок куртулмак.
  3. Ама Сян, Сааби, беним коорунтум, шанымсын беним, хем Сян калдырэрсын башымы беним.
  4. Бян сесимлен чаардым, да О ишитти бени Кенди Айозлу баирындан.
  5. Бян йатып уйудум хем калктым, зере Сааби коруйеер бени.
  6. Коркмайжам инсан сюрюлериндян, ани сардылар бени.
  7. Калк Сааби! Аллахым, куртар бени. Зере салт Сян уреерсын хепси душманнарын ченесиня, динсизлерин дишлерини кыреерсын.
  8. Куртулмак Саабидяньдирь. Инсаннарын юстюндядирь Сенин хаирлыын.
  9. Бянь йатеерым, уйуйеерым хем калкеерым, зере Сааби кооруйеер бени!

Псалом 37.

  1. Ей Сааби, ачыклама беним гюнахларымы сеертлииндя, хем да дююмя бени юфкендя.
  2. Зере Сенин иинелеринь батты бана, хем Сенин елин бастыреер бени.
  3. Гююдемдя саа ер калмады Сенин юфкендян, кемиклеримдя да йок раатлык гюнахларымдан;
  4. Зере законсузлукларым кафамдан бююк олдулаар, да бир аар юк гиби аарлаштылар бендя.
  5. Чюрюеерлар хем кокеерлар беним йараларым акылсызлыымдан.
  6. Бян бюкюлдюм хем хептян ашааладым, бютюн гюн сёленеряк гезеерим,
  7. Зере белим долду йарайлан, хем саа ер калмады гююдемдя.
  8. Кесильдим хем кырылдым хептянь; калибиминь санджысындан баареерым.
  9. Сааби! Сенин ёнюндя беним хепси истемеклерим, хем аалашмам да диил саклы Сендянь.
  10. Калибим титиреер. Куведим бракты бени, хем гёзлеримдя шавк – о да калмады бендя.
  11. Йакын достларым качтылаар бир тарафа бендян, комушуларым да дуреерлар узакта.
  12. Джанымы аарайаннар савашеерлар  тутмаа бени, хем бана кёёрлюк  истейеннярь лаф йапеерлар кайбельмямь ичинь, хем дюшюнеерлар бана хер гюнь феналык;
  13. Ама бян ниже саар, ишитмеерим, хем ниже дильсизим ани ачмеер аазыны;
  14. Да олдум бянь ниже бир адам, ани ишитмеер хем аазында джувабы йок,
  15. Зере Сана, ей Саааби, бянь умутланеерым; Сянь ишидеджянь бени, Сааби Аллахым.
  16. Хем дедим бянь: ко енсеямесинь бени душманнарым;  ачан титиреер айаам, оннаар ююсекленеерлар беним ёнюмдя.
  17. Бян йакыным дюшмяя, хем кахырым да хожма ёнюмдя.
  18. Беним динсизлиими бян аннеерым; гюнахым ичин пек кахырланеерым.
  19. Ама душманнарым йашеерлар хем каавилешеерлар, хем зееделенеерлар те оннаар, ани бени йок гёзю гёрсюннярь хич бир кабаатсыз;
  20. Хем те оннар, ани ёдеерлар бана иилик ичинь феналыклан, бянь ислейя  чалышеерым дейни душманнык едеерлар бана.
  21. Бракма бени, Сааби Аллахым! Узаклашма бендянь;
  22. Алатла бана йардыма, Сааби Куртарыжым беним!

Псалом 62.

  1. Ей Аллах! Сянь Аллахым беним, Сени чинсабаалеендянь бянь аареерым; Сана жаным йанеер, Сенин ичин зеетленеер гююдямь бош, куру хем сусуз топракта,
  2. Ани Ки гёрмяя Сенин куведини хем шаныны, нидже гёрдюйдюм  Сени Айозлукта:
  3. Зере Сенин хаирлыын таа исляя, некадар йашамак. Беним дудакларым метиннейджеклярь Сени.
  4. Ёля иисёзлейежам Сени беним йашамамда; Сенин адын ичинь еллерими калдыраджам.
  5. Сансын семизлен хем зихтинь йаайыннан дойунеер джаным, хем шен сеслен метиннеер Сени дудакларым,
  6. Ачан бянь аклыма гетиреерим Сени дёшеемдя, дюшюнееримь Сенинь ичин гежя вакытларындада,
  7. Зере Сяньсин бана йардым, хем Сенинь канатларын гёлгесиндя бянь севинеджям.
  8. Беним жаным йаманды Сана; Сенинь саа елинь дайеер бени.
  9. Ама оннар, ани аареерлар беним джаныма ёлюмь, дюшеджекляярь еринь дибиня;
  10. Ёлдюреджеклярь оннары кылыч кувединнень; оладжаклаар   джанаварлара имелик.
  11. Ама падишах Аллах ичин севинеджек, мет едиледжек хер бири, ким еминь едеерь Оннан, зере капанаджаклаар аазлаар, ани йалан сёлеерлар.
  12. Дюшюнееримь Сенинь ичинь геджя вакытларында да, зере Сяньсинь йардым бана.

Жаным йаманды Сана, Сенинь елинь дайеер бени.

Шюкюрь Бобайа хем Оола хем Айоз Духа, шиньди хем хожма, хем даймаларын даймаларына. Аминь.

Аллилуиа, Аллилуиа, Аллилуиа, шюкюрь Сана Ей Аллаа (3кере). Ей Сааби хаирла (3кере). Шюкюрь Бобайа хем Оола, хем Айоз Духа, шинди, хем хожма хем даймаларын даймаларына. Аминь.

Псалом 87.

  1. Ей Сааби, беним куртулмамын Аллахы! Геджя – гюндюз баарыпта йалвареерым Сенин ёнюндя.
  2. Ко етишсин Сана беним дуам; иилт кулааны беним йалвармама,
  3. зере джаным тыкышты белайлан, хем джендемя йаклашты ёмюрюмь
  4. Бян бирлештим те оннаарлан, ани мезар ичиня инеерлар, бян олдум ниже бир куветсиз Адам гиби,
  5. ани сыбыдылмыш ёлюлеринь арасына – ниже те о ёльмюшляярь, ани йатеерлар мезарда, ангыларыны Сянь аклына гетирмеерсинь хем ангылары Сенинь елиньдянь сыбыдылдылаар.
  6. Сянь аттын бени джендем чукуруна, караннык ичиня, еринь дибиня.
  7. Сенинь юфкянь аарлашты беним сыртымда, хем хепси далгаларыннан  чарптын бени.
  8. Сянь ираклаттырдын бендян достларымы, йаптын ёля, оннаар  ииринеерлар бендянь; бянь капалыим да чыкамеерым
  9. Гёзлерим йуфкаландылаар кахырдан: бютюнь гюнь баарыпта чаардым Сени, Сааби; хем еллерими Сана узаттым.
  10. Аджаба ёлюлеря ми Сянь йападжан минуния? Аджаба ёлюлярь ми  калкып та шанлайаджаклаар Сени?
  11. Оса мезар ичиндя ми Сенинь хаирлыын метиннень  хаберьленеджек, хем Сенин доорулуун чюрюмяк ериндя ми?
  12. Сенинь минунияларыны аджаба караннык ичиндя ми ююренеджекляярь, хем Сенин доорулуун унутмак  ериндя ми?
  13. Ама Сени, Сааби, бянь баарыпта чаареерым, хем чинсабаалеен беним  дуам каршылеер Сени.
  14. Нечинь Сааби, бракеерсын беним джанымы, чевиреерсин юзюню бендянь?
  15. Бянь кысметсизим хем ериеерим таа генчлиимдянь; ташыйерым Сенинь коркуларыны  да пек йорулеерым.
  16. Сенинь юфкянь гечти беним юстюмдянь; коркутмакларын да фоладылар бени.
  17. Херь гюнь сареерлар бени нидже су: долайлеерлар бени хепси барабар.
  18. Сянь ираклаштырдын бендянь кафадарымы хем комушуму, достларым беним гёрюнмеерлар.

Ей Сааби, беним куртулмамын Аллахы! Геджя – гюндюзь баарыпта йалвареерым  Сенинь ёнюндя. Ко етишсинь Сана беним дуам; иилт куланы беним йалвармама.

Псалом 102.

  1. Иисёзля джаным беним Саабии, хем бютюнь беним ичимь – айоз адыны Онун.
  2. Иисёзля джаным беним Саабии, хем унутма хепси иивермеклерини Онун.
  3. О прост едеер хепси законсузлукларыны Сенин, алыштыреер хепси аджыларыны.
  4. Куртареер мезардан ёмюрюню, стеонузлеер сени хаирлыклан хем джёмертликляярлян.
  5. Дойуреер  ииликляярлян Сенин истедиини, хем енилеер картал гиби Сенин генчлиини.
  6. Сааби йапеер доорулук хем суд хепсиня гюджениклеря.
  7. О гёстерди Кенди йолларыны Моисейя, хем Израиль оолларына Кенди  ишлерини.
  8. Джёмертли хем хаирлы Сааби, чоксабурлу хем чок хаирлы:
  9. О биткийадак  юфкеленмеер, хем дайма кин тутмеер.
  10. Бизим законсузлуумуза гёря о бизя зеет йапмады, хем гюнахларымыза гёря  ёдямеди бизя.
  11. Зере нидже таа ююсекь гёк ердянь, хеп ёля таа бююк хаирлыы те оннара, ани коркеерлар Ондан.
  12. Насыл узак гюндуусу гюнбатысындан, ёля узаклаштырды биздян О бизим законсузлуумузу
  13. Нидже боба хаирлеер оолларыны, хеп ёля хаирлеер Аллах Ондан корканнары…
  14. Зере О билеер  бизим йарадылмамызы, тутеер аклында ани биз топрак.
  15. Адамын гюннери насыл от; нидже кыр чичяя, ёля о ачеер.
  16. Гечеджек онун юстюндянь люзгярь да о йок олажек, да онун ери да ону танымайаджек.
  17. Саабинин хаирлыы даймадан даймайада Ондан корканнара,
  18. Хем Онун доорулуу оолларын ооларына да те оннарын, ани тутеерлар Онун  сымарламаларыны  тамамламаа дейни.
  19. Сааби гёклердя ерлештирди Кенди престолуну, да Онун Падишахлыы хепсини зап едеер.
  20. Иисёзляиниз Саабии (хепсиниз) Онун Ангеллери, ани каавийсиниз куветлень, ани тамамлеерсыныз Онун сёзюню, хем сеслеерсинизь Онун лафынын сесини.
  21. Иисёзляинизь Саабии хепсинизь Онун ишлери, Онун Запчилыын херьбирь ериньдя. Иисёзля джаным беним Саабии.

Онун Падишахлыын херьбирь ериньдя иисёзля джаным беним Саабии.

Псалом 142.

  1. Ей Сааби, ишить беним дуамы,  сесля йалвармамы Сенинь аслылыына гёря; ишить бени Сенинь доорулууна гёря.
  2. Хем гирме суда Сенин чырааннан, зере Сенин ёнюндя хич бир да йашайан доору чыкмаз.
  3. Душман коолеер беним джанымы, баттырды топрак ичиня ёмюрюмю, чалышты ани бянь  йашеем каранныкта чоктан ёльмюшляярь гиби,
  4. да сыклетленди беним духум, сууду юряямь.
  5. Гетиреерим аклыма евельки гюннери, дюшюнеерим Сенин херьбирь ишлерин ичин, фикиримдянь гечиреерим Сенин еллерин ишлери ичинь,
  6. Узадеерым Сана еллерими, джаным Сана нидже сусанмыш топрак.
  7. Таа тез ишить бени, Ей Сааби, духум байылеер; саклама юзюню бендянь, ани ки олмээм те оннаар гиби, ани мезара инеерлар.
  8. Баашла бана таа тезь ишидеем хаирыны Сенин, зере бян Сана умутланээрым. Гёстерь бана йол ангысындан бян гидеем, Сана калдыреерым джанымы.
  9. Куртар бени Сааби душманнарымдан беним, Сана бянь качеерым.
  10. Ююреть бени тамамламаа Сенин истедиини, зере Сяньсинь беним Аллахым: ко гётюрсюнь бени доорулук ериня  Сенин ииликли Духун.
  11. Сенин адын ичин, Сааби, джаннандыр бени; Сенин доорулуун ичинь чыкар сыклеттянь беним джанымы.
  12. Хем Сенин хаирына гёря йок еть беним душманнарымы, хем кайбеть хепсини, ани зоорлеерлар беним джанымы зере бян Сенин измекярин.

Ишить бени Сааби, Сенинь доорулууна гёря, хем гирьме суда Сенинь чырааннан.

Ишить бени Сааби Сенинь доорулууна гёря, хем гирьме суда Сенинь чырааннан.

Сенинь ииликли Духун ко гётюрсюнь бени доорулук ериня.

Шюкюрь Бобайа хем Оола, хем Айоз Духа хем шинди, хем хожма, хем даймаларын даймаларына. Аминь.

Аллилуиа, Аллилуиа, Аллилуиа, шюкюрь Сана Ей Аллах, (3кереть)

Село Конгаз, перевод 1992 года.

Радио "ПРАВОСЛАВНАЯ ГАГАУЗИЯ"

Пасхальный концерт 2016 год, Конгаз.

Рождественский концерт 2016. Конгаз.

Рождественский концерт 2015. Конгаз

Пасхальный концерт 2014. Конгаз

Рождественский концерт 2014. Конгаз

Рождественский концерт 2013. Конгаз

Пасхальный концерт 2013. Конгаз

Троицкий концерт 2001. Конгаз

Поиск по сайту

ДЕСЯТЬ ЗАПОВЕДЕЙ БОЖИИХ: 1.Я есть Господь Бог твой, и нет других богов, кроме Меня. 2.Не сотвори себе кумира и никакого изображения; не поклоняйся им и не служи им. 3.Не поминай имени Господа Бога твоего всуе. 4.Шесть дней работай и делай всякие дела свои, а седьмой есть день отдохновения, который посвяти Господу Богу твоему. 5.Почитай отца твоего и мать, да будешь благословен на земле и долголетен. 6.Не убий. 7.Не прелюбодействуй. 8.Не укради. 9.Не лжесвидетельствуй. 10.Не пожелай ничего чужого.

Православная Гагаузия