(Ж6) Литература
МАМУ, ГЕЛ ЕВЯ
Биз евдя калдык бобайлан
Дюбюдюз йалнызлыкта,
Нечин зере бизим маму
Гитти казанмаа пара.
Гюнняр гечерлар ойа,
Биз бобайлан дарсыдык:
Диилиз кайыл йалнызлаа,
Мамусуз биз пек быктык.
Диил о дат имеклердя,
Йа тузсуз, йа пек тузлу.
Ачан маму йок евдя,
Пек дуйерыз биз буну.
Каку топланмэр евя,
Батю олду фит башсыз:
Сабахлэрлар барларда,
Ачан оннар анасыз.
Истямериз чок пара,
Паралар харджанаджек:
Маму, гель таа тез евя,
Сени биз беклериз пек!
Протоиерей Василий Икизли
25.03.2015г.